MET Charl du Plessis (klavier), Werner Spies (kontrabas) en Peter Auret (tromme)
Musiek van The Beatles bly immergroen, en vir klassiekemusiek-liefhebbers so ook die musiek van Johann Sebastian Bach. Die ooreenkomste en kontraste in hierdie uiteenlopende style word beklemtoon, in nuwe verwerkings van swing, die blues en bossa nova. Treffers van Bach soos Tokkate in D mineur, “Air” en “Jesus, bron van al my vreugde” word gehoor saam met The Beatles se “Let It Be”, “Hey Jude”, “A Hard Day’s Night” en “Can’t Buy Me Love”. Dit is die eerste keer wat die Charl du Plessis Trio musiek van The Beatles vertolk.
