Schalk Bezuidenhout was voor die Covid-19-pandemie laas by die KKNK. Maar mense, Schalk raak soos die goeie rooiwyn wat hy graag drink: Al hoe beter met die jare wat verbygaan. En snaakser. So wees lekker en koop ’n kaartjie en trakteer jou lagspiere (dit sit glo in jou maag, toe ons laas gekyk het) in die geselskap van een van Suid-Afrika, ag sommer die wêreld, se topkomediante. As jy Schalk nog net op Instagram gesien “headbang” het terwyl hy sê “Feeling good, feeling positive!” is jy in vir ’n ding: Schalk is baie snaakser op die verhoog. Hy is op 32 steeds mooi en nou ook volwasse. Noem hom sommer mamma se groot seun.
